श्री हनुमान चालीसा
दोहा :
श्रीगुरु चरन सरोज रज, निज मनु मुकुरु सुधारि।
बरनऊं रघुबर बिमल जसु, जो दायकु फल चारि।।
बुद्धिहीन तनु जानिके, सुमिरौं पवन-कुमार।
बल बुद्धि बिद्या देहु मोहिं, हरहु कलेस बिकार।।
चौपाई :
जय हनुमान ज्ञान गुन सागर।
जय कपीस तिहुं लोक उजागर।।
रामदूत अतुलित बल धामा।
अंजनि-पुत्र पवनसुत नामा।।
महाबीर बिक्रम बजरंगी।
कुमति निवार सुमति के संगी।।
कंचन बरन बिराज सुबेसा।
कानन कुंडल कुंचित केसा।।
हाथ बज्र औ ध्वजा बिराजै।
कांधे मूंज जनेऊ साजै।
संकर सुवन केसरीनंदन।
तेज प्रताप महा जग बन्दन।।
विद्यावान गुनी अति चातुर।
राम काज करिबे को आतुर।।
प्रभु चरित्र सुनिबे को रसिया।
राम लखन सीता मन बसिया।।
सूक्ष्म रूप धरि सियहिं दिखावा।
बिकट रूप धरि लंक जरावा।।
भीम रूप धरि असुर संहारे।
रामचंद्र के काज संवारे।।
लाय सजीवन लखन जियाये।
श्रीरघुबीर हरषि उर लाये।।
रघुपति कीन्ही बहुत बड़ाई।
तुम मम प्रिय भरतहि सम भाई।।
सहस बदन तुम्हरो जस गावैं।
अस कहि श्रीपति कंठ लगावैं।।
सनकादिक ब्रह्मादि मुनीसा।
नारद सारद सहित अहीसा।।
जम कुबेर दिगपाल जहां ते।
कबि कोबिद कहि सके कहां ते।।
तुम उपकार सुग्रीवहिं कीन्हा।
राम मिलाय राज पद दीन्हा।।
तुम्हरो मंत्र बिभीषन माना।
लंकेस्वर भए सब जग जाना।।
जुग सहस्र जोजन पर भानू।
लील्यो ताहि मधुर फल जानू।।
प्रभु मुद्रिका मेलि मुख माहीं।
जलधि लांघि गये अचरज नाहीं।।
दुर्गम काज जगत के जेते।
सुगम अनुग्रह तुम्हरे तेते।।
राम दुआरे तुम रखवारे।
होत न आज्ञा बिनु पैसारे।।
सब सुख लहै तुम्हारी सरना।
तुम रक्षक काहू को डर ना।।
आपन तेज सम्हारो आपै।
तीनों लोक हांक तें कांपै।।
भूत पिसाच निकट नहिं आवै।
महाबीर जब नाम सुनावै।।
नासै रोग हरै सब पीरा।
जपत निरंतर हनुमत बीरा।।
संकट तें हनुमान छुड़ावै।
मन क्रम बचन ध्यान जो लावै।।
सब पर राम तपस्वी राजा।
तिन के काज सकल तुम साजा।
और मनोरथ जो कोई लावै।
सोइ अमित जीवन फल पावै।।
चारों जुग परताप तुम्हारा।
है परसिद्ध जगत उजियारा।।
साधु-संत के तुम रखवारे।
असुर निकंदन राम दुलारे।।
अष्ट सिद्धि नौ निधि के दाता।
अस बर दीन जानकी माता।।
राम रसायन तुम्हरे पासा।
सदा रहो रघुपति के दासा।।
तुम्हरे भजन राम को पावै।
जनम-जनम के दुख बिसरावै।।
अन्तकाल रघुबर पुर जाई।
जहां जन्म हरि-भक्त कहाई।।
और देवता चित्त न धरई।
हनुमत सेइ सर्ब सुख करई।।
संकट कटै मिटै सब पीरा।
जो सुमिरै हनुमत बलबीरा।।
जै जै जै हनुमान गोसाईं।
कृपा करहु गुरुदेव की नाईं।।
जो सत बार पाठ कर कोई।
छूटहि बंदि महा सुख होई।।
जो यह पढ़ै हनुमान चालीसा।
होय सिद्धि साखी गौरीसा।।
तुलसीदास सदा हरि चेरा।
कीजै नाथ हृदय मंह डेरा।।
दोहा :
पवन तनय संकट हरन, मंगल मूरति रूप।
राम लखन सीता सहित, हृदय बसहु सुर भूप।।
Doha:
Shrī Guru Charan Saroj Raj, Nij Manu Mukuru Sudhari।
Baranau Raghubar Bimal Jasu, Jo Dayaku Phal Chari।।
Buddhiheen Tanu Jaanike, Sumirau Pavan-Kumar।
Bal Buddhi Vidya Dehu Mohi, Harahu Kalesa Vikar।।
Chaupai:
Jai Hanuman Gyan Gun Sagar।
Jai Kapis Tihu Lok Ujagar।।
Ramdoot Atulit Bal Dhama।
Anjani-putra Pavansut Nama।।
Mahabir Bikram Bajrangi।
Kumati Nivaar Sumati Ke Sangi।।
Kanchan Baran Biraj Subesa।
Kanan Kundal Kunchit Kesa।।
Haath Bajra Au Dhwaja Birajai।
Kandhe Moonj Janeu Sajai।।
Shankar Suvan Kesari Nandan।
Tej Pratap Maha Jag Bandan।।
Vidya Van Guni Ati Chatur।
Ram Kaj Karibe Ko Aatur।।
Prabhu Charitra Sunibe Ko Rasiya।
Ram Lakhan Sita Man Basiya।।
Sukshma Roop Dhari Siyahi Dikhava।
Bikat Roop Dhari Lanka Jarava।।
Bheem Roop Dhari Asur Sanhare।
Ramchandra Ke Kaj Sanvare।।
Laye Sanjeevan Lakhan Jiyaye।
Shriraghubeer Harashi Ur Laye।।
Raghupati Keenhi Bahut Badaayi।
Tum Mam Priya Bharat Hi Sam Bhai।।
Sahas Badan Tumharo Jas Gaave।
As Kahi Shripati Kanth Lagaave।।
Sanakadik Brahmadik Munisa।
Narad Sarad Sahit Ahisa।।
Jam Kubera Digpal Jahan Te।
Kavi Kobid Kahi Sake Kahan Te।।
Tum Upkar Sugreevahin Keenha।
Ram Milay Rajpad Deenha।।
Tumharo Mantra Vibhishan Mana।
Lankeshwar Bhaye Sab Jag Jana।।
Jug Sahasra Yojan Par Bhanu।
Leelyo Taahi Madhur Phal Janu।।
Prabhu Mudrika Meli Mukha Maahi।
Jaladhi Langhi Gaye Acharaj Naahi।।
Durgam Kaj Jagat Ke Jete।
Sugam Anugrah Tumhare Tete।।
Ram Duaare Tum Rakhvaare।
Hot Na Aagya Binu Paisaare।।
Sab Sukh Laha Tumhari Sharana।
Tum Rakshak Kahu Ko Darna।।
Aapan Tej Samharo Aapai।
Teenon Lok Haank Te Kaanpai।।
Bhoot Pishaach Nikat Nahi Aavai।
Mahabir Jab Naam Sunavai।।
Naasai Rog Harai Sab Peera।
Japat Nirantar Hanumat Beera।।
Sankat Te Hanuman Chhudavai।
Man Kram Vachan Dhyan Jo Lavai।।
Sab Par Ram Tapasvi Raja।
Tin Ke Kaj Sakal Tum Saaja।।
Aur Manorath Jo Koi Lavai।
Soi Amit Jeevan Phal Paavai।।
Charon Yug Paratap Tumhara।
Hai Prasiddha Jagat Ujiyaara।।
Sadhu-Sant Ke Tum Rakhvaare।
Asur Nikandan Ram Dulare।।
Ashta Siddhi Nau Nidhi Ke Data।
As Var Deen Janaki Mata।।
Ram Rasayan Tumhare Paasa।
Sada Raho Raghupati Ke Dasa।।
Tumhare Bhajan Ram Ko Paavai।
Janam-Janam Ke Dukh Bisraavai।।
Antakaal Raghubar Pur Jaayi।
Jahaan Janma Hari-Bhakt Kahayi।।
Aur Devata Chitta Na Dharai।
Hanumat Sei Sarb Sukh Karai।।
Sankat Katai Mitai Sab Peera।
Jo Sumirai Hanumat Balbeera।।
Jai Jai Jai Hanuman Gosai।
Kripa Karahu Gurudev Ki Naai।।
Jo Sat Bar Paath Kar Koi।
Chhooti Bandi Maha Sukh Hoi।।
Jo Yah Padhe Hanuman Chalisa।
Hoi Siddhi Saakhi Gaurisa।।
Tulsidas Sada Hari Chera।
Kije Naath Hriday Mah Dera।।
Doha:
Pavan Tanay Sankat Haran, Mangal Murti Roop।
Ram Lakhan Sita Sahit, Hriday Basahu Sur Bhoop।।